DREPANA pl. num. vel DREPANUM

DREPANA pl. num. vel DREPANUM

prom. et urbs Siciliae, trans Lilybaeum, non procul ab Eryce monte, ita dicta quod δρεπανοειδὴς sit, h. e. in modum falcis incurvata; vel ab eo quod Saturnus, amputatis virilibus paternis, illuc falcem proiecerit. Ovid. Fast. l. 4. v. 472.

Quique locus curvae nomina falcis habet.

At vero in portu Drepanitano terra non curvatur in falcis modum, sed in acumen desinit. Ac proinde Drepano videtur nomen fecisse Punicum Darban, i. e. aculeus, quod exstat in Hebraeo Scripturae textu, 1 Sam. c. 13. v. 21. Bochart. Baudr. urbs est in valle Mazarana, ad radices montis S. Iuliani, permunita, cum arce valida, la Columbara, et portu capacissimo, cum alias esset in monte Eryce, ubi nunc rudera, Trapano del monte o vechio dicta; 12. mill. distat a Lilybaeo prom. 60. a Panormo in Austr. 22. a Mazara in Bor.